හීන

හොඳටෝම පණ ගැහෙනා
හීනවල කිමිදෙන්න
ඔබ එනවද මට කියන්න;

ඔබ ආපසු මගෙ හීනෙට
පාට පාට තටු ලැබිලා
පියාඹාවි ආකාසේ
රුවන්විජිත ඉම් සොයලා


ඔබ නාවොත් ඒ හීනෙට
පාට පාට තටු කොයින්ද
හීනවලට රුවන්විජිත
හීන මාලිගා වේවී...

මහ ගොඩක්

මහ ගොඩක් වහින්න
මගේ දුක සේදි සේදී
ගලායන පරිදි ගංදිය
මහ ගොඩක් ගලන්න
මගේ සෙනෙහස බේරි බේරී
වෑහෙනා සේ ඔබ පතුල
මහ ගොඩක් වෑහෙන්න
මගේ සිතිවිලි  මතින් මත්වී
මතුවෙනා සේ බිඟුන් වද
මහ ගොඩක් මතුවෙන්න
මගේ ප්‍රේමය පිපි පිපී
කුසුම් ලෙස ඔබේ හදවත

සිත ඉල්ලන්නේ ඔබව ...

 මං කුමක් කරම් ද
 මං සුසුම් ලමින් ඉන්නෙ
 මා කුමක් කළ යුතුද?....

ඈත සිටින කෙනෙක් ළං වෙන්න අහනවා

නමුදු ඔබ !!!
ඔබට මගේ හදවත ඇසෙන්නේ නෑ

මේ ගැහැනු ළමයා අයදිමින් ඉන්නවා
හදවත තුළ ගින්දර ඉපදෙමින් තියෙනවා
ආසාදනයක් වගේ තාරුණ්‍යය ම පාරවනවා

තොල් ආලේපන ඉල්ලගෙන යොවුන් වියෙන්
මං සරසනවා මගේ සිහින වර්ණ වලින්
මිරිගුවක් පිටුපස පිපාසිත ව දිව යනව මං

ඔබ ළඟින් ගියත්
ඇයි මගේ සිත ස්වයං ව පිරී යන්නේ
ඇයි මම මල් උයනින් පලා යන
මල් කැකුළිය වන්නේ

මී මැස්සෙකුගේ සෙවනැල්ලකට ආශා කරන මම
කූඩුව තුළ සිරවී සිටින එක් අසරණ මුවැත්තියක් වෙමි
යනෙන කොටිඇස් ගිල ගැනීමට උත්සාහ කරන..

මා කුමක් කළ යුතුද ?...

ඔයාවත් උන්නනම්

වෙන්වෙලා නැතුවට දුරස් වෙලා හැමදේම 

කියාගනු බැරි බොහෝ දේ 

කදුලු එක්ක දියවෙලා 

කම්මුල් දිගේ සීරුවට ගලාගෙන යනවා...

යෞවනේ හිනිපෙත්ත

ජීවිතේ

දුක් උසුලන් සිනාසෙනවා

හංගගෙන සුසුමක් විඩාබර...

මගේ ළඟ ඔයාවත් උන්න නම්

ගොතන්න පුළුවන් ජීවිතේ යලි

නෑසියන් ගේ දොරින් දුරස් වුණු

මගෙ දිවිය අලුත් පාටක නූලකින්

ඔයත් එක්ක...

එනවද... මගෙ ළඟට ඉඩතියනව

හැමදාම මේ හිතේ ...

මං ආදරෙයි

මං ඔයාට ආදරෙයි
මේ ඇත්තමයි
අනේ
ඔයාට ඒක දැනෙනවනම්
....
අපේ ගෙදර ඇවිදින් යන වෙලාවට
තාත්තට විතරක් යන්නම් නොකියා
මගෙත් එක්කත් හිනාවෙන්න
...
ඔයාව දකින,මතක්වෙන ගානෙ
මගෙ හදවත නැවතිලා
ආයෙමත් ගැහෙනව හිමින්
...
මං ඔයාට ආදරෙයි
මේ ඇත්තමයි
අනේ
ඔයාට ඒක දැනෙනවනම්
...
මගෙ හිත හිරවෙලා
අදුරු වලාකුළු වල
ඕනේ වුනත් මට කියන්න
ආදරේ
කොහොමද කියන්නේ කියලා
දන්නෙ නෑ
...
බ්ලොග් පිටුවෙ අකුරු කරනව
කදුලු අතරින් අකුරු හොයමින්
මං ඔයාට ආදරෙයි
කියලා

දුටු නුදුටු පළමු දින හදවතෙහි කතාවක් ...

මේ බටනලවේ කිංකිණි හඩ
අද දෝංකාර දෙනවා
එය හදවත අහිමිව ප්‍රේමාතුරව නටනවා
මගේ පෙම්වතා පැමිණිලා
ඔහු ප්‍රීතියත් ඔහුත් සමඟ ම ගෙනල්ලා
කොවුලා උගේ ගීයේ ගායනාව පටන් අරන්
මෝසමත් ඉන්නෙ පොද වැස්සක් අරඹමින්
ඔහු පැමිණිලා මිතුර ඔහු පැමිණිලා
අකුණුත් විදුලිය හා හමන සුළඟත්
සතුරෙකු මෙන් ලාඩන් මෝසම් ආවරණයක ඔතා;
වලාකුළු නටන්න බබළන්න
මනස පිරිලා වළලුකරයේ කිංකිණි නදින්
සිරුර පවා පිරී ඇත්තේ කලබලකාරී ප්‍රීතියේ වළාවෙන්
එය හදවත අහිමිව අද ප්‍රේමාතුරව නටනවා
මගේ පෙම්වතා පැමිණිලා
බලන්න මිතුර ඔහු ප්‍රීතියත් ඔහුත් සමඟ ම ගෙනල්ලා...

නුඹට

මගෙ හිතේ ඇති වෙච්ච ආදරේ
කියාගන්න පුළුවන් නම්
නුඹට මට ...

♥

නුඹේ එක හීනෙකවත්
මං නො උන්නට
ආදරෙයි ලෝකයක් තරමට

ලැදි බව මෙපමණට මං නුඹට
කියන්නේ කෙලෙසට

නුඹ හීනෙකින්වත් නොසිතාවි
මං නුඹට පෙම් කරන බව...♥

සඳ කුමුද ,

රෑ සඳට පෙම් බඳින සඳ කුමුද ,
ඔබත් හරියට මං වගේමයි
සඳතැන්න දෙස බලං
සඳ එළිය පතන්නේ...

රෑ සඳට පෙම් බඳින සඳ කුමුද ,
ඔබත් හරියට මං වගේමයි
අමාවක නිසාවෙන්
හිතින් දුක් විඳින්නේ...

රෑ සඳට පෙම් බඳින සඳ කුමුද ,
ඔබත් හරියට මං වගේමයි
සඳට සෙනෙහස කියනු බැරිවී
සිතින් පමණක් පෙම් කරන්නේ...

ඔබත් ඒ වගේ

සිතිවිල්ලක සුන්දර ම සිතැඟියාව වගේ
කවියක ලස්සන ම පදපෙළ වගේ
සිතුවමක වර්ණවත් බව වගේ
ඔබත්;
මට හරියට ම ඒ වගේ...

සුබ උපන්දිනයක් ඔබට

කවදාවත් අමතක වෙන්නෙ නෑ මට
ඔයාගෙ නම වගේම අද දිනයත්
අම්මා වැඩියෙන් ම සතුටු වුණු දවස
අම්ම විතරක් නෙමෙයි ඔයාගෙ තාත්තත්
ඒ සතුටට දැන් අවුරුදු විස්සක්...
මට කියන්න ඕනෙ ඔයාට
ජීවිතේ සතුටින් ගතවෙන්න
කිසිම දුකක් නොවෙන්න
ඔය මුවග හසරැල් සරුවෙන්න
ප්‍රාර්ථනා කරනවා කියලා මං
නිහඬව ම...
මුලු ලොවටම ඇහෙන්න
කියනවා මං
නිහඬව ම
සුබ උපන්දිනයක් ඔයාට..😆👦💌🌷🍦🍰♥

මදි පින්

ලද බොළඳ  විලසින්
ඔය හදේ එතෙමින්
ලබන්නට හිනාවන්
මා සතුව නැත පින්

බුද්ධිමත් අයුරින්
ටොක්කකුත් අනිමින්
කියන්නට කතාවන්
මා සතුව මදි පින්

විහිලුවක් කරමින්
අතකිනුත් අදිමින්
පාරෙ යන්නට ගමන්
මා නොකර ඇති පින්

දුක් සුසුම් හෙළමින්
හිසත් අතගාමින්
බෙදාගන්නට වේදනාවන්
මා නොමැත කර පින්

ඔබ ජීවිතේ කරන්
හිත මගේ හිරකරන්
හිඳින්නට තමා මන්
කරන්නට ඇත්තෙ පින්

ඔයා දැනගත්තොතින්
සදා ළෙන්ගතුකමින්
රැඳෙන්නට මා ළඟින්
එනවාද මට කියන්

ඔබ වගෙයි

දිගු රැයයි
සඳ තරුයි
ඒ සැවොම
ඔබ වගෙයි
ඔබෙ සිතයි
ඔබෙ රුවයි
කිසිදාක
මගෙ නොවෙයි 😳

අපි කවුද

'අපි හොඳ යාලුවො'
නෑ එහෙම නෙවෙයි
'අපි ළඟ නෑදෑයො'
නෑ කීයටවත් ම
එහෙනම්... 'අපි ආදරවන්තයො'
නෑ.
නැත්තෙමත් නෑ
ඔයා නොදන්නව වුණාට
ඔයයි මගෙ හිත අරන් ගිය
ආදරවන්තයා...

මටත් පුදුමයි

කවදාවත් මට ආදරේ නොකරපු
කවදාවත් මට ආදරේ නොකරන
ඒ ගැන හිතන්නවත් නැති
ඔයාට
මං ආදරේ කරන තරම්
ඔයාව බලාපොරොත්තු වෙන තරම්
හොරෙන් ම ඔයාගැන හොයාබලන තරම්
මටත් පුදුමයි
මං කොච්චරනම් ඔයා කෙරෙහි බැඳිලා ද කියලා
හිතාගන්නවත් බෑ...
ඇත්තෙන්ම මටවත්

ළෙන්ගතුකම

හැබෑවට ම
ඔය හිනාවට
ඔය කතාවට
ඔය සුවඳට පවා
මගෙ තියෙන ළෙන්ගතුකම
දන්නවනම් ඔයා...

මෝඩියක් නෙවෙයි මං

හිමි නැති ආදරේ
හංගගෙන
ආදරය කරන්නම්
නිහඬව ම
කියාවි සමහරු
මෝඩියක් කියලා
මං
ඒත් ඔබ මගෙ
ජීවිතේ වෙලා
දැං
මටත් නොදැනිම
දුර ගිහිං
කොහොමද කියන්නේ මේවා
ඔයාට මං ආදරේ තරම්
ඔයා දැනගත්ත දවසක
පුදුම වෙයි
මේ කෙල්ල ඔයා ගැන
හිතන තරම්
ඔයා ගැන හීන දකින තරම්
ඔයාට ආදරේ කරන තරම්
ඔයා වෙනුවෙන් උමතු වෙන තරම්...

විලාසිනියක් නොවෙමි

ඔබ කෙරේ උමතුවෙමි
හද සෙනේ පුරෝගමි

විලාසිනියක් නොවෙමි
ඒනිසා නිහඬ වෙමි

ඒක පාර්ෂ්වික නිහැඩියාව

ඔයාගෙ අම්මා ඔයාගැන කියනකොට
ආසයි අහන් ඉන්න
වෙලාවකට බයත් හිතෙනවා
අම්මලාට හිත් කියවන්න පුළුවන්ලු
ඔයාවත් දන්නෙ නැති
මගේ 'ඒක පාර්ෂ්වික ප්‍රේමය'
ඔයාගෙ අම්මට ඉව වැටේවිද...
ගෙදරදි ඔයා කරන විසේකාරකං
අගෙයි නෙවැ
ලොකු ලොකු වැඩ කරන්න
උපන් හපනෙක් නෙ ඔබ
රසට උයන්නත් පුළුවන්ලු...
ඉතින් ඉතින්
මාත් අහනවා නැන්දාගෙන්
හරි සතුටින් නෙ ඉන්නෙ
අම්මා ඔයා ගැන
මල්ලිලට වඩා ඔයාටලු ආදරේ
නොපෙන්නුවට අම්මා...
හිනාත් වෙනවා මං
පුදුම වෙනවා සමහර වෙලාවට
ඔය දාන වැඩකිඩ දැකල මං
මොනව වුණත් හැමදේම සුන්දරයි මට
ඔබ වගේ ම...
මල්ලි එක රෝසමලක් ගැන කියල
ඔයාට ඇද කරනකොට
මගේ හිත පෑරෙන තරම්
ඔයා නං දන්නවෑ
ඒ රෝස මලට ඔයා කැමති නෑ කියලා
පස්සෙ මල්ලිම කියනකොට
නැවතිච්ච හිත ටිකක් ගැහුණා මගෙ...
මට නම් අද වගේ මතකයි
අපි කතා කළ වචන ටික පළමු...
'ඒක පාර්ෂ්වික ව' මං මගේ ආදරය විඳිනවා
ඇත්තමයි මං ඔබව විඳිනවා
කියාගන්න බැරි දහසක් දේ හිතේ හිර කරන්
හැමදාම මං ඔබව විඳිනවා...
ඔබේ විවාහය සිදුවන දිනෙක
අපටත් ඇරයුම් ඒවි
දරාගන්න අපහසු වෙයි නෙවෙද මට
මට මාව ම අහිමි වෙයි නේ!!
නමුත්
මං
ජීවත් වෙනවා
ඔබේ සතුට දකින්නට
ඔබේ දරුවන් අපේ වගේ සුරතල් කරන්නට
මං ජීවත් වෙනවා
ඉතින්
තවදුරටත් මේ 'එක් පැති පෙම' මහැදුරු වරයෙක් වෙළා
මගේ ආදරයේ නිහැඩියාව ම පෙන්නනවා...


 

කතාකරනවා නම්

ඇළදොළ කියාවි
ගහකොළ කියාවි
මදනල කියාවි
ඔවුන්ට කටක් තිබ්බ නම්...
මගෙ කට වගේ නෙවී
ඔවුන්ට කටක් තිබ්බ නම්
කියාවි
කතාකරල ම කියාවි...
ඔයාට ම කියාවි
ඔබට කෙතරම් ළෙන්ගතු ද කියා මං
මගෙ කට වගේ නෙවී
ඔවුන්ට කටක් තිබ්බ නම්
කතාකරල ම කියාවි
ඔයාට ම කියාවි

අනූ ගණං

ඔයත් ගණං 

නම වගේ ම..

මේ ඇත්තමයි

සිත්තරාවියක් කල්පිතය පතනවා 😳

නො සොයමි

කල්පිතය තුළ  ජීවිතය සොයමි
ජීවිතය තුළ මා සොයමි
මා තුළ ඔබ සොයමි
ඔබ තුළ මා නො සොයමි

ඔබ මා නො සොයන බැව් ද
ඔබ මා නො පතන බැව් ද
ඔබ මා නො සිතන බැව් ද
මා හොඳාකාරව ම දනිමි

නමුදු
තවමත්
මා තුළ ඔබ සොයමි
ඔබ තුළ මා නො සොයමි
ජීවිතය ගෙවමි
කල්පිතය පතමි

ඇයි නොදනිමි

ගසුත් මල් පුබුදාවි
සමනල්ලු පැමිණේවි
මුළු ලොවම හිනැහේවි
ඔබව මට හමුවේවි...
මුළු ලොවම හඬවාවි
සමනල්ලු ඉගිලේවි
ගසින් මල් මැළවේවි
ඔබ මවෙත නොම ඒවි...

ඔබට ලියූවයි

ඔයා මට කිසිදාක හිමිවෙන්නෙ නෑ තමයි
ඒත් මට හිතෙන්නෙ ම ඔයා මගෙ කියා මයි
දන්නවද ඔබට මං හරි ගොඩක් ආදරෙයි
කෙසේ නම් කියන්නද මං හුඟක් අසරණයි

සුවඳ පවා කතාවක් කියනවා
හීන් සීරුවේ ඔබ ඇසුවොත්
සුළඟ හරහා එය පවසනවා
පරිස්සමට තේරුම් ගන්න එසේනම්
...
හදවතෙහි ස්වභාවය
මල් වල හඬින්
උදෙන් ම සැමගෙන් අහනවා
ඇසිපිය හෙළන තරුකැට
උදෑසනත් තියෙනවා
ඔවුන් සැමත්
ඔන්න ඔබත්
උත්සාහ කරනවා ගනින්න ඒවා
...
පාට බිංදු වැටිලා
හිස් සිහින මතට
එය සරසනවා
එයින් හටගන්නා එකතුව
කොපමණ දුරකට වුවත්
කෙටි මාර්ගයක් වෙනවා
ඔවුන්ගේ ගමන් රිය
ඒ දුර ගිහින් ඉවරයි
...
මෙය කුරුලු කැදැල්ලක සිහිනයක්
රිකිල්ලෙන් රිකිල්ල තොරලා ඔබ ළඟින් නිදන්නට
යම් හෙයකින් ගලපගන්න හැකිනම් ඔබට
...
සුවඳ කතාවක් කියනවා
සුළඟ හරහා එය පවසනවා

මටත් තියෙනවා දුක හිතෙන කතාවක්

කව්රුත් ම නොදන්නා
කිසිවෙකුට නොකියනා
ඇස් කොනට කඳුලු එන
දුක හිතෙන කතාවක්

මා ඔබව දුටු විට...

මා වටා ලොව මදකට නතර විය
කාලය ද මිනිත්තුවක් පිටුපසිනි
ආස්වාසය පවා ප්‍රස්වාසය අමතකකොට ඇත

සිහින පුරමි

ඔබව දකිමි
සිහින පුරමි
පැතුම් පතමි
කඳුළු සළමි

ආයුබෝවන් | කවි සිත්තරාවි

සිත්තරාවියකි කවියක රසය හඳුනන...